YENİ: 2021-ci il “MIRAI” qısamüddətli Yaponiya Mübadilə Proqramına sənəd qəbulunun elanı

2020/12/7

2021-ci il “MIRAI” qısamüddətli Yaponiya Mübadilə Proqramına sənəd qəbulunun elanı
(sənəd qəbulu üçün son tarix: 14 fevral)

Yaponiyanın Xarici İşlər Nazirliyi Azərbaycan daxil olmaqla, bir çox Avropa ölkələrininin 20 yaşdan yuxarı olan fəal gəncləri- bakalavr, magistr pilləsi tələbələri və işləyən gənclərinin Yaponiya haqqında bilik və anlayışlarının artırılması məqsədiylə həyata keçirilən “MIRAI” proqramına iştirakçı qəbulunu elan edir. Mübadilə proqramı aprel ayından internet üzərindən online şəkildə başlayacaqdır. Yaponiyaya səfər isə 8-16 iyun tarixlərinə (təxmini 1 həftə) planlaşdırılır.

Proqramın mövzusu və məzmunu

Azərbaycandan qatılacaq iştirakçıların yer alacağı mübadilə proqramının mövzusu “Qanunun aliliyi" olaraq təyin olunmuşdur. Azərbaycandan olan bütün iştirakçılara Qafqaz və Mərkəzi Asiya ölkələri ilə birgə Yaponiya Xarici İşlər Nazirliyi, əlaqəli qurumlar və ya universitetlərə ziyarət, mühazirələrdə iştirak, bu sahədə çalışan şəxslər və ya yapon tələbələri ilə ingilis dilində fikir mübadiləsi apararaq, Yaponiyanın siyasəti haqqında bilik və anlayışlarının artırılması şansı təqdim olunacaqdır. Eyni zamanda, proqram çərçivəsində Yaponiyanın tarixi və ya mədəniyyəti haqqında öyrənmək üçün regionların ziyarəti də planlaşdırılır.

Kimlər müraciət edə bilər

Müraciətçilər: Azərbaycan universitetlərində bakalavr və ya magistr pilləsi üzrə təhsil alan tələbələr; dövlət və özəl sahələrdə hüquq üzrə çalışan 20-30 yaş aralığında olan gənclər
Qeyd: Xüsusilə, Hüquq fakültəsi, Beynəlxalq əlaqələr fakültəsi, İctimai siyasət fakültəsi, İqtisadiyyat fakültəsi, İdarəçilik faküləsində təhsil alan və hüquq sahəsində tədqiqat aparan tələbələr, şirkətlərdə hüquq sahəsində təcrübəsi olan şəxslərin proqrama müraciətlərini gözləyirik. Müraciət qaydaları haqqında daha ətraflı məlumat üçün PROQRAMIN RƏSMİ SAYTIna nəzər sala bilərsiniz.

Müraciət qaydası

İştirak etmək istəyən şəxslərdən Proqramın Rəsmi Saytı və Müraciət Qaydalarına nəzər saldıqdan sonra, saytda yerləşdirilmiş xüsusi müraciət formasını doldurmaqları xahiş olunur.
Müraciət formasını təhvil verən zaman nəzərə alınmalı məqam: “Müraciət formasında” qeyd etdiklərinizi proses zamanı yaddaşda saxlayaraq (draft) daha sonra yenidən yazıya qayıdıb doldurmağa davam edə bilərsiniz.

VACİB QEYD！
Formanı dolduran zaman aşağıda qeyd olun məqamlara nəzər salaraq, aşağıdakı 2 hissəni mütləq şəkildə, unutmadan doldurmağınız və bütün vacib sənədləri və faylları “Müraciət formasına” yükləməyiniz xahiş olunur.

（1）「Step 4」-də olan「Essay」hissəsinin içərisində “If the embassy of Japan in your country of residence requires you to answer any additional questions, please type your answer here. If there is no instruction from the Embassy, you can leave it blank.” olan hissədə bu 2 məqamı mütləq şəkildə qeyd etməyiniz xahiş olunur:
・Bu proqrama müraciət etmə səbəbiniz
・Sizin hüquq sahəsində təhsil, tədqiqat və ya iş təcrübənizin qısa məzmunu

（2）「Step 4」-də 「Uploads」hissəsində “If the embassy of Japan in your country of residence requires you to submit any additional documents, please upload it here. If there is no instruction from the Embassy, you can leave it blank.”qeyd olunmuş yerdə sizin tədqiqat məqaləniz və ya tədqiqat işinizin abstraktını da müraciət formasına yükləməyiniz xahiş olunur (əgər varsa).

“Müraciət formasında” bu məqamlara aşağıdakı şəkildən nəzər sala bilərsiniz:

Son müraciət tarixi 14 fevraldır. Hər birinizin müraciətini səbrsizliklə gözləyirik!

4. Proqram cədvəli

14 fevral	Müraciət üçün son tarix
19 fevral	Sənəd seçim nəticəsinin elanı
22-26 fevral	Müsahibə
Aprelin əvvəlləri	Bələdçilik, Proqramla tanışlıq mərhələsi (ONLINE)
Aprel~may	Universitlər ilə mübadilə, mühazirələr və müzakirələr (ONLINE）
May~iyun	Yaponiyaya səyahət ※

※ Yeni koronavirusun geniş yayılması nəticəsində Yaponiyaya uçuşların mümkün olmaması səbəbindən Yaponiyaya getməyinizin mümkün olmaması ehtimalı vardır. Bunu öncədən nəzərə almağınızı xahiş edirik.

5. Əlavə məlumat

Yuxarıda qeyd olunanları və MIRAI Proqramının Rəsmi internet səhifəsini oxuduqdan sonra suallarınız olarsa, səfirliyin culture-info@bk.mofa.go.jp mail ünvanına “MIRAI 2021:Ad və familiyanız” şəklində maillə müraciət etməyinizi xahiş edirik. Eyni zamanda, səfirliyin rəsmi Facebook səhifəsinin Mesaj hissəsinə də suallarınızı yönləndirə bilərsiniz. Suallarınız 3 iş günü ərzində cavablandırılacaqdır. 3 iş günü keçsə də, sizə cavab gəlmədiyi təqdirdə yenidən göndərməyiniz xahiş olunur.