"Fuji Optical" şirkətinin Azərbaycan Respublikasının Səhiyyə Nazirliyinə müayinə avadanlıqlarının və eynəklərin təqdimatı
2025/8/27
14 avqust 2025-ci il tarixində (cümə axşamı), "Fuji Optical" şirkətinin (baş ofisi: Sapporo şəhəri) İdarə Heyətinin sədri və prezidenti Akio Kanai, Yaponiyanın Azərbaycan Respublikasındakı səfiri Vatanabe ilə birlikdə Azərbaycan Səhiyyə Nazirliyini ziyarət etmiş və səhiyyə nazirinin müavini Nadir Zeynalov ilə görüş keçirmişdir. Bu şirkət indiyədək 17 dəfə, təxminən 20 ilə yaxın bir müddət ərzində BMT-nin Qaçqınlar üzrə Ali Komissarlığı (UNHCR) ilə əməkdaşlıq çərçivəsində, Dağlıq Qarabağ münaqişəsi nəticəsində Azərbaycan daxilində məcburi köçkün olmuş insanlara görmə qabiliyyətinin yoxlanılması və eynəklərin pulsuz verilməsi ilə bağlı yardım fəaliyyətləri həyata keçirmiş, ümumilikdə 40,000 nəfərə 74,000 ədəd eynək hədiyyə etmişdir.
Fuji Optical" şirkəti bu dəfə, Azərbaycandakı fəaliyyətinin başa çatması münasibətilə görmə yoxlama cihazları, test linzaları və test çərçivələri, eləcə də 1,500 ədəd eynəyi Azərbaycan tərəfinə bağışlamaq qərarına gəlmiş və görüş çərçivəsində hər iki tərəf bağışlama haqqında razılaşmanı imzalamış və mübadilə etmişdir. Bağışlanan bu avadanlıqlar və eynəklər gələcəkdə optometrist olmaq istəyən tələbələrin praktikasında və universitet xəstəxanalarında istifadə olunacaq.
Görüş zamanı nazir müavini Nadir Zeynalov, Azərbaycanın müstəqillikdən sonra səhiyyə və tibbi sahədə keçdiyi inkişaf yolu və üzləşdiyi problemlər barədə danışaraq, "Fuji Optical" şirkətinin indiyə qədərki davamlı fəaliyyətinə və dəstəyinə görə təşəkkürünü bildirmişdir. Görüşdə iştirak edən səfir Vatanabe, "Fuji Optical" şirkətinin bu fəaliyyətinin humanitar yardım baxımından əhəmiyyətinə toxunaraq, Azərbaycan hökumətinin indiyə qədərki əməkdaşlığına görə minnətdarlığını ifadə etmişdir.
Bundan əlavə, nazir müavini Zeynalov səhiyyə və tibbi sahədə rəqəmsallaşma ilə bağlı olaraq Yaponiyanın texnologiyası və təcrübəsindən öyrənmək istədiklərini qeyd etmiş, səfir Vatanabe isə cavabında bildirib ki, səhiyyənin inkişafı xalqın rifahının əsasını təşkil edir və rəqəmsallaşma sahəsində gələcək əməkdaşlıq imkanları nəzərdən keçiriləcəkdir.
Fuji Optical" şirkəti bu dəfə, Azərbaycandakı fəaliyyətinin başa çatması münasibətilə görmə yoxlama cihazları, test linzaları və test çərçivələri, eləcə də 1,500 ədəd eynəyi Azərbaycan tərəfinə bağışlamaq qərarına gəlmiş və görüş çərçivəsində hər iki tərəf bağışlama haqqında razılaşmanı imzalamış və mübadilə etmişdir. Bağışlanan bu avadanlıqlar və eynəklər gələcəkdə optometrist olmaq istəyən tələbələrin praktikasında və universitet xəstəxanalarında istifadə olunacaq.
Görüş zamanı nazir müavini Nadir Zeynalov, Azərbaycanın müstəqillikdən sonra səhiyyə və tibbi sahədə keçdiyi inkişaf yolu və üzləşdiyi problemlər barədə danışaraq, "Fuji Optical" şirkətinin indiyə qədərki davamlı fəaliyyətinə və dəstəyinə görə təşəkkürünü bildirmişdir. Görüşdə iştirak edən səfir Vatanabe, "Fuji Optical" şirkətinin bu fəaliyyətinin humanitar yardım baxımından əhəmiyyətinə toxunaraq, Azərbaycan hökumətinin indiyə qədərki əməkdaşlığına görə minnətdarlığını ifadə etmişdir.
Bundan əlavə, nazir müavini Zeynalov səhiyyə və tibbi sahədə rəqəmsallaşma ilə bağlı olaraq Yaponiyanın texnologiyası və təcrübəsindən öyrənmək istədiklərini qeyd etmiş, səfir Vatanabe isə cavabında bildirib ki, səhiyyənin inkişafı xalqın rifahının əsasını təşkil edir və rəqəmsallaşma sahəsində gələcək əməkdaşlıq imkanları nəzərdən keçiriləcəkdir.
